ქართველი მსახიობის წარმატებული კარიერა დასავლურ კინო და სატელევიზიო ინდუსტრიაში გრძელდება.

3 მარტს Amazon Prime Video-მ თავისი ახალი ფილმის Without Remorse (სინდისის ქენჯნის გარეშე) გამოაქვეყნა, რომელშიც მთავარ როლს ამერიკელი მსახიობი მაიკლ ბი ჯორდანი ასრულებს.

თუმცა, ქართველი მაყურებლისთვის რაც უფრო მნიშვნელოვანია, ტრილერის ჟანრის ამ ახალ ფილმში შავი პანტერის ვარსკვლავთან ერთად მერაბ ნინიძეც იღებს მონაწილეობას, მეტიც, ის ცოტა ხნის წინ გავრცელებულ პირველ ტრეილერშიც გამოჩნდა (1:35-დან):

CNN-ის ცნობით, სინდისის ქენჯნის გარეშე სახელმწიფო აგენტის შურისძიების შესახებ მოგვითხრობს, რომელსაც რუსულმა მხარემ ოჯახის წევრები დაუხოცა.

მერაბ ნინიძე რუსი პერსონაჟის, ანდრე ვასელიევის როლს ასრულებს.

აღსანიშნავია, რომ ეს პირველი შემთხვევა არ არის, როცა ქართველი მსახიობი გახმაურებულ პროექტებში იღებს მონაწილეობს: მაყურებლების ნაწილმა კარგად იცის, რომ ის მანამდე სერიალ Homeland-ში გამოჩნდა, სულ ცოტა ხნის წინ კი ბენედიქტ კამბერბეჩთან ერთად ითამაშა ჯაშუშურ თრილერში The Courier.

მაიკლ ბი ჯორდანისა და მერაბ ნინიძის მონაწილეობით ახალი ფილმის პრემიერა 30 აპრილსაა დაგეგმილი.