ქართული ოცნების დეპუტატი, თეა წულუკიანი ამბობს, რომ გიორგი გახარიას პრემიერმინისტრის თანამდებობიდან წასვლა მმართველი გუნდისთვის სასიკეთო არ იყო. წულუკიანი იმასაც აღნიშნავს, რომ ეს გადაწყვეტილება გახარიასთვისაც საზიანოა.

"როცა ვავადმყოფობდი, გიორგი გახარია გადადგა, სამწუხაროდ... ეს გადაწყვეტილება ჩვენი გუნდისთვის არის არასასიკეთო, არასწორი გადაწყვეტილება, მაგრამ რაც კიდევ უფრო დასანანი მგონია, მისთვის პირადად, მისივე ეს გადაწყვეტილება არის საზიანო, მე ასე ვთვლი და დასანანი", — განაცხადა წულუკიანმა.

რაც შეეხება ყოფილი პრემიერმინისტრის სამომავლო გეგმებს, თეა წულუკიანის თქმით, მას ამაზე ინფორმაცია არ აქვს.

გიორგი გახარია პრემიერმინისტრის თანამდებობიდან 18 თებერვალს, ნიკა მელიასთვის პატიმრობის შეფარდებიდან რამდენიმე საათში გადადგა.