პარტია გირჩის ლიდერი, ზურა ჯაფარიძე აცხადებს, რომ ადგილობრივი თვითმმართველობის არჩევნებისთვის რეფერენდუმის ჩატარება სურთ, რომლის კითხვა შემდეგნაირად იქნება ფორმულირებული: უნდა ისჯებოდეს თუ არა საქართველოში ნარკოტიკების მოხმარება?

"ჩვენ გადავწყვიტეთ, რომ წელს, ოქტომბერში, როდესაც ჩატარდება საქართველოში თვითმმართველობის არჩევნები, მასთან ერთად ჩავატაროთ რეფერენდუმი, რომ საქართველოს მოსახლეობამ გასცეს პასუხი კითხვას, უნდა ისჯებოდეს თუ არა საქართველოში ნარკოტიკების მოხმარება? ჩვენ ვაპირებთ შესაბამისი განცხადებით მივმართოთ ცენტრალურ საარჩევნო კომისიას, რომ დავარეგისტრიროთ რეფერენდუმის კითხვა, როგორც კი დარეგისტრირდება, ჩვენ დავიწყებთ ხელმოწერების შეგროვებას.

ჩვენ ვამბობთ, რომ საბოლოო ჯამში, მოსახლეობამ უნდა გასცეს პასუხი ამ კითხვას და ყველანაირად ვეცდებით, იგი დადგეს ადგილობრივი თვითმმართველობის არჩევნებზე".