ევროპელმა სოციალისტებმა გადაიფიქრეს და პრემიერის პოსტზე ირაკლი ღარიბაშვილის კანდიდატურას მხარს აღარ დაუჭერენ. როგორც პარტიის განცხადებაშია აღნიშნული, დეპუტატები კენჭისყრაში მონაწილეობისგან თავს შეიკავებენ.

"ირაკლი ღარიბაშვილი გახლავთ ქართული ოცნების პოლიტიკური გუნდის მიერ წარდგენილი კანდიდატურა. რამდენად სწორია ეს გადაწყვეტილება, ამას დრო აჩვენებს. ეს არის მმართველი პარტიის პრეროგატივა. აქედან გამომდინარე, შედეგებზე პასუხისმგებლობა ეკისრება მმართველ გუნდს. ევროპელი სოციალისტების საპარლამენტო გუნდი ღარიბაშვილის კანდიდატურასთან დაკავშირებით კენჭისყრაში მონაწილეობის მიღებისგან თავს შეიკავებს", — ნათქვამია განცხადებაში.

18 თებერალს პარტიის წევრმა, დავით ზილფიმიანმა განაცხადა, რომ ევროპელი სოციალისტები ირაკლი ღარიბაშვილის კანდიდატურას მხარს დაუჭერდნენ.