16 წელი გავიდა მას შემდეგ, რაც ეკრანებზე Mr. and Mrs. Smith გამოვიდა და ბრანჯელინას ისტორია დაიბადა. ახლა ამაზონმა გადაწყვიტა, რომ 2005 წლის ერთ-ერთი ყველაზე განხილვად ფილმზე სერიალი გადაიღოს. სერიალში ერთმანეთზე შეყვარებული ჯაშუშების როლებს მომღერალი დონალდ გლოვერი (Childish Gambino) და Fleabag-ის ავტორი და მსახიობი ფიბი უოლერ-ბრიჯი შეასრულებენ.

ვარსკვლავები სერიალის აღმასრულებელი პროდიუსერებიც იქნებიან.

სიახლე ინსტაგრამზე Amazon Studio-ს ხელმძღვანელმა, ჯენიფერ სეილკმა სახალისო ვიდეოთი გაავრცელა. მისი მიხედვით, სერიალის პრემიერა 2022 წლისთვის იგეგმება, შოუს სცენარისტი კი ფრანჩესკა სლოუნი იქნება, რომელიც ისეთი სერიალების ავტორი იყო, როგორიცაა Fargo, Seven Seconds და ა.შ.

2005 წელს გამოსულმა ფილმმა მსოფლიოს მასშტაბით თითქმის ნახევარი მილიარდის მოგება ნახა. მისტერ და მისის სმიტებზე სხვა ფილმიც არსებობს, რომელიც 1941 წელს ალფრედ ჰიჩკოკმა გადაიღო.