ქართული ოცენების ცენტრალურ ოფისთან ხმაური იყო. აქტივისტებმა უმრავლესობის სხდომის პარალელურად აქცია გამართეს. მათი თქმით, სწორედ ამ დროს ერთ-ერთმა მანქანაში მჯდომ კახა კალაძეს "გარეწარი" დაუძახა და შემდეგ დააკავეს.

"ჩვენი მეგობარი დააკავეს იმის გამო, რომ მანქანაში მჯდომ კალაძეს დაუძახა, გარეწარი ხარო. სამი თვის წინ დაარტყა ხელი კახა კვეკვესკირს კახა კალაძემ და პირიქით, ის დაიჭირეს. ახლა რომ დაინახა მისი მანქანა, უთხრა ნაძირილა ხარო და ამის გამო დააკავეს, პირდაპირ ბრძანება მისცა", — ამბობს აქტივისტი.

On.ge დაუკავშირდა შინაგან საქმეთა სამინისტროს, სადაც ამბობენ, რომ აქციაზე ორი ადამიანია დაკავებული, ორივე ადმინისტრაციულ სამართალდარღვევათა კოდექსის მიხედვით. ერთი პოლიციისადმი დაუმორჩილებლობისა და წვრილმანი ხულიგნობის მუხლით, ხოლო მეორე — მხოლოდ წვრილმანი ხულიგნობის.

დღეს ცნობილი გახდა, რომ ქართული ოცნება ნიკა მელიასთვის დეპუტატის იმუნიტეტის მოხსნას მხარს დაუჭერს, რაც პროკურატურას უფლებას აძლევს, ნაციონალური მოძრაობის თავმჯდომარე დააკავოს. მამუკა მდინარაძის განცხადებით, ქართული ოცმების ამოცანაა, არ შეაფერხონ მართლმსაჯულების აღსრულება.