ცხოვრება ზოგჯერ ძალიან უსამართლოა, ან, შეიძლება, ასე გვეჩვენება. განსაკუთრებით, მაშინ, როცა რაღაცას მივქარავთ — უდროო დროს შეუფერებელს წამოვროშავთ ან რაღაც სამარცხვინოს ჩავიდენთ — შემდეგ კი, მაშინვე ვნანობთ ჩვენს საქციელს. ასეთი ცხოვრებისეული გაკვეთილი მიიღო ტიკტოკის ახალმა ვარსკვლავმა, მერისა სიდუელმაც.

მერისამ უნივერსიტეტი სულ ახლახან დაამთავრა და გადაწყვიტა, სამსახური ეპოვა. როცა კომპანიას საკუთარი რეზიუმე უდეპეშა, მხოლოდ მაშინ გააცნობიერა, რამხელა შეცდომა დაუშვა. CV-ში, არც მეტი, არც ნაკლები, სხვისი ფოტო იყო გამოყენებული. ცხადია, სრულიად უცნობი ადამიანის, რადგან რეზიუმეს შაბლონების საიტიდან იყო ჩამოტვირთული.

რადგან შეცდომის გამოსწორება უკვე გვიანი იყო — გაგზავნილ აპლიკაციაში ფოტო ვეღარ შეიცვლებოდა — მერისამ გადაწყვიტა, საკუთარი მოხერხებულობა ტიკტოკზე გაეზიარებინა. ვიდეო პლატფორმაზე ვირუსულად გავრცელდა, თუმცა, მერისა უკვე მეორედ მიხვდა, რომ შეცდომა დაუშვა — ვიდეოში საკუთარი ტელეფონის ნომერი არ ჰქონდა დაფარული.

@marissasid21

You think you’re having a bad day? I just sent this resume without changing the template picture (repost cuz y’all spammed my number) ##fyp

♬ original sound - Marissasid21

"გგონიათ, ცუდი დღე გქონდათ? სულ ახლახან რეზიუმე ვიღაც სხვისი ფოტოთი გავგზავნე", — დაწერა მერისამ, რომლის წაშლილ და ხელმეორედ ატვირთულ ვიდეოს ტიკტოკზე სამ მილიონზე მეტი ნახვა აქვს.