ბანგლადეშმა კორონავირუსის წინააღმდეგ მოსახლეობის ვაქცინაცია დაიწყო. ქვეყანაში Oxford University-AstraZeneca-ს ვაქცინას იყენებს და პირველ თვეში 3,5 მილიონი ადამიანის აცრა იგეგმება. როგორც Reuters წერს, 170-მილიონიან ქვეყანაში ვაქცინის ორი დოზის გაკეთება 80 პროცენტისთვის იგეგმება.

ბანგლადეშს 5 მილიონი დოზა ინდოეთის სერუმის ინსტიტუტში ჰქონდა შეკვეთილი, რომელიც AstraZeneca-ს ვაქცინის ყველაზე მსხვილი მწარმოებელია. გარდა ამისა, ორი მილიონი დოზა ბანგლადეშმა ინდოეთისგან საჩუქრად მიიღო.

"ლოდინი დასრულდა. მძიმე წლის შემდეგ ისტორიული დღე დადგა", — განაცხადა ჯანდაცვის მინისტრმა, ზაჰიდ მალექმა. მისივე თქმით, ვაქცინის ალიანსი GAVI-სგან 68 მილიონ დოზას მიიღებენ.

ბანგლადეშში ოფიციალურად კორონავირუსის 538 062 შემთხვევაა დადასტურებული, ხოლო 8 ათასზე მეტი ადამიანი გარდაიცვალა.