ანტი-ტერორისტული რეიდების შედეგად პოლიციამ თურქეთის ოცამდე პროვინციაში 450 ადამიანი დაკავა. ინფორმაციას ამის შესახებ თურქული სააგენტო Anadolu ავრცელებს.

სააგენტოს ცნობით, დაკავებულთა უმეტესობა უცხოელია და მათ ტერორისტულ ორგანიზაციებთან კავშირი ედებათ ბრალად.

ბოლო წლების განმავლობაში თურქეთში არა ერთი ტერორისტული აქტი მოხდა. ბოლო ტერაქტი სტამბოლში, ერთ-ერთ ღამის კლუბში, ახალი წლის ღამეს მოხდა, რასაც 39 ადამიანი ემსხვერპლა.