8 თებერვლიდან საქართველოს მასშტაბით მუნიციპალური ტრანსპორტი სრულად ამოქმედდება. როგორც პრემიერმინისტრმა, გიორგი გახარიამ თქვა, შეზღუდვები შაბათ-კვირას შენარჩუნდება. ხოლო მომდევნო შემსუბუქებაზე ისინი 15 თებერვლის კვირაში იმსჯელებენ.

8 თებერვლიდან სრულად გაიხსნება ბაზრობები. 15 თებერლიდან რესტორნები და კვების ობიექტები ღია სივრცეში მუშაობას შეძლებენ. ამავე პერიოდიდან, თბილისში, რუსთავსა და ქუთაისში სწავლა საკლასო ოთახებში აღდგება.

გიორგი გახარიას განცხადებით, კორონავირუსით ინფიცირების დადებითობის მაჩვენებელი იკლებს, რაც შეზღუდვების შემსუბუქების საშუალებას იძლევა. მისივე თქმით, ერთი კვირის თავზე განხილული იქნება შეზღუდვების შემდგომი შემსუბუქება.

"თუმცა ყველას უნდა გვახსოვდეს, რომ რაც უფრო თამამად ვამსუბუქებთ შეზღუდვებს, მით უფრო მეტი პასუხისმგებლობა თითოეული ჩვენგანის იმისთვის, რომ აუცილებელი წესები დაციცვათ. ყველას კარგად უნდა გვესმოდეს, რომ არაგონივრული, არაფრთხილი, სწრაფი შეზღუდვების მოხსნა, გაუქმება, არის პირდაპირი გზა ამ შეზღუდვების თავიდან დაწესების", — განაცხადა მან.