Netflix-ის უდიდესი და სუპერპოპულარული შოუ Bridgerton, გასული კვირის მონაცემებით, პლატფორმის 82 მილიონმა მომხმარებელმა ნახა. მათ შორისაა ამერიკელი მსახიობი მილა კუნისიც. სერიალზე მან და პარტნიორმა, ეშტონ კაჩერმა, TODAY-ის შოუში ისაუბრეს.

"ყოველთვის 9:30PM-ზე ვიძინებ, არ აქვს მნიშვნელობა რა ხდება მსოფლიოში, მაგ დროს ჩემი დასვენების საათები იწყება. გასულ ღამეს კი შუაღამემდე თვალი არ მომიხუჭავს, რადგან Bridgerton-ს ვუყურებდი. თავს ვეკითხებოდი: 'რა ხდება ამ შოუში?'"

გადაბმული ყურების, ან როგორც სერიალების ფანები ვეძახით "binge watching-ის", დროს, მის გვერდით კაჩერს ეძინა. სერიალის მაყურებელმა იცის, რომ შოუ დახუნძლულია ინტიმური კადრებით. სწორედ სექსის ერთ-ერთი სცენის დროს გამოეღვიძა კაჩერს.

"პორნოს უყურებ?" — კუნისის თქმით, ჰკითხა ახალგამოღვიძებულმა კაჩერმა.

"ვერ მივხვდი რა ხდებოდა, უცებ მეგონა, რომ ჩვენს საწოლში კიდევ ვიღაც იყო, გული გამისკდა. თურმე აღმოჩნდა, რომ სერიალთან 'მღალატობდა'", — ხუმრობით ახსნა კაჩერმა.

Bridgerton (ბრიჯერტონები) Shondaland-ის ახალი გახმაურებული პროექტია, რომელიც ნეტფლიქსზე 2020 წლის მიწურულს გამოჩნდა. სერიალში თანამედროვე ელემენტებით ეკრანზე მეცხრამეტე საუკუნის ბრიტანეთი ცოცხლდება, ის მაყურებლის ნამდვილ აღმოჩენად იქცა და ცოტა ხნის წინ ნეტფლიქსის რეკორდიც მოხსნა.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…