ჯანდაცვის მინისტრის, თამარ გაბუნიას განცხადებით, ჯანდაცვის მსოფლიო ორგანიზაცია საქართველოს 29 500 დოზის Pfizer-ის ვაქცინას მისცემს. მისივე თქმით, პირველი, ვისაც თებერვალში შემოსული დოზებიდან ვაქცინაცია ჩაუტარდება, ჯანდაცვის სფეროს მუშაკები არიან.

"მივიღეთ საბოლოო დასტური იმაზე, რომ ქვეყანა თებერვლის შუა რიცხვებისთვის მიიღებს Pfizer-ის ვაქცინას 29 250 დოზის ოდენობით", — განაცხადა მან.

დღეს, 30 იანვარს, პრემიერმინისტრმა, გიორგი გახარიამ განაცხადა, რომ Pfizer-ის ვაქცინის პირველი დოზები საქართველოში თებერვლის ბოლომდე შემოვა. ამის შესახებ გახარიამ ფეისბუქგვერდზე დაპოსტა და WHO-ს დირექტორს ტედროს ადანომ გებრეისუსს მხარდაჭერისთვის მადლობა გადაუხადა.

Pfizer-ის ვაქცინის შემოტანასა და მისი შენახვის შესაძლებლობაზე რამდენიმე კვირის წინ სამედიცინო სფეროში განხილვა იყო. გამყრელიძის თქმით, ქვეყანა 300 ათასი Pfizer-ის ვაქცინას, რომელიც -70°C-ზე ინახება, თავისუფლად დაასაწყობებს და ამისთვის რამდენიმე მაცივარი უკვე გამოათავისუფლეს.

ამავე თემაზე: