თბილისის მერიის ზედამხედველობის საქალაქო სამსახურის ცნობით, ბავშვთა სამყაროს შენობა შესაძლოა ჩამოინგრეს.

მერიის ინფორმაციით, ზედამხედველობის სამსახურმა შეისწავლა და ვიზუალური დაკვირვებით დაადგინა, რომ ხანძარმა ბავშვთა სამყაროს შენობა ფაქტობრივად გაანადგურა და ობიექტზე სასწრაფოდ განსახორციელებელია გარკვეული სახის სამუშაოები.

თბილისის მერიის ცნობით, მათ უკვე მიმართესწერილით სავაჭრო ცენტრ ბავშვთა სამყაროს ადმინისტრაციას და უმოკლეს ვადებში ტერიტორიაზე დროებითი სამშენებლო ღობის განთავსება დაავალა. მერიის ინფორმაციით, შენობის შემოღობვა აუცილებელია, რათა ტერიტორიაზე შესვლა იყოს კონტროლირებადი და გამოირიცხოს უნებლიე მოხვედრის შესაძლებლობა.

თბილისში, სავაჭრო ცენტრ ბავშვთა სამყაროში 30 იანვარს, გამთენიისას გაჩენილი ხანძრის შედეგად სრულიად განადგურდა შენობა, დაზარალდა ათობით მოვაჭრე, რომლებსაც სავაჭრო ცენტრში და მის მიმდებარე ბაზრობებზე ტანსაცმლის, ავეჯის, ოქრო-ვერცხლის მაღაზიები ჰქონდათ.

გაიგეთ მეტი: დამწვარი მილიონები - ფოტორეპორტაჟი ბავშვთა სამყაროს ტერიტორიიდან