ჭიათურისა და საჩხერის მიტროპოლიტი, დანიელ (დათუაშვილი) აცხადებს, რომ ეპარქია იმსჯელებს სხალთის ეპარქიის მიტროპოლიტის, თადეოზის განცხადებების შესახებ და მას შესაბამის პასუხისმგებლობასაც დააკისრებს.

"მინდა, გულისტკივილით აღვნიშნო, რომ დეკანოზ თადეოზ სარალიძის საკვირაო ქადაგება სრულიად შეუფერებელია სახარებისეული სწავლებისათვის. ეპარქია იმსჯელებს მომხდარის შესახებ და უახლოეს მომავალში დააკისრებს მას შესაბამის პასუხისმგებლობას", — წერია მის განცხადებაში.

დეკანოზმა თადეოზ სარალიძემ საკვირაო ქაგადებისას არმენოფობიური განცხადება გააკეთა.

"რასაცა გასცემ შენია, რაც არა, დაკარგულია. სომეხი ხომ არ ხარ? გაფუჭებული სომეხი რას ამბობს? — რა გავცე, რის გავცეო. მის მერე დაანებეს, შოთა რუსთაველი აშოტ რუსთაველი, ეს რომ გაიგეს, არა, არა, ეს ჩვენი არ არისო.

თადეოზ სარალიძე ანტისემიტური გამონათქვამებითაც გამოირჩევა. 24 იანვრის ქადაგებისას მან ბავშვებზე თქვა, რომ მთავარია ისინი ეკლესიის ერთგულები და პატიოსნები იყვნენ, სხვა შემთხვევაში სასულიერო პირი ფიქრობს, რომ ჯობია პატარა მოკვდეს და სასუფეველში წავიდეს.

ის, ასევე, კორონავირუსის ვაქცინააციის წინააღმდეგ ქადაგებს და მოსახლეობას მოუწოდებს, აცრა არ გაიკეთოს.