დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოს პრემიერმინისტრის, გიორგი გახარიას განცხადებით, პანდემიასთან ბრძოლაში მათთვის სამი ახალი პრიორიტეტი იქნება მნიშვნელოვანი, მათ შორის, ტესტირება, მიზნობრივი შეზღუდვების შენარჩუნება და ვაქცინა. ამის შესახებ მან მთავრობის ადმინისტრაციაში სხდომის დაწყებამდე ისაუბრა.

"ცოტათი უნდა შევცვალოთ მუშაობის სქემა. აქ სამი ახალი პრიორიტეტი ჩნდება პანდემიასთან ბრძოლაში. ეს, პირველ რიგში, გახლავთ, ტესტირების სქემის შეცვლა, მოგეხსენებათ, რომ ქვეყანაში ტესტირების რაოდენობა გაზრდილია და ასე უნდა გავაგრძელოთ. მეორე იქნება მიზნობრივი ეფექტური შეზღუდვების შენარჩუნება, იქ, სადაც ეს საჭიროა და რა თქმა უნდა, ვაქცინაცია", — განაცხადა გახარიამ.

15 იანვრის მონაცემებით, საქართველოში კორონავირუსის 1 177 ახალი შემთხვევა დადასტურდა, ამასთან, გამოჯანმრთელდა 837 ადამიანი, ხოლო გარდაიცვალა — 26.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: