ტოკიო 2020-ის საორგანიზაციო კომიტეტის ხელმძღვანელმა, იოშირო მორიმ განაცხადა, რომ ოლიმპიადისთვის მზადება გაგრძელდება, მისი გადადება არ იგეგმება.

მორის თქმით, ოლიმპიადის მეორედ გადადება "აბსოლუტურად შეუძლებელი" იქნება.

იაპონიის მთავრობამ და საერთაშორისო ოლიმპიურმა კომიტეტმა (IOC) გასული წლის მარტში გადაწყვიტეს, რომ პანდემიის გამო, ტოკიო 2020 ერთი წლით გადაედოთ. არსებობს ორი გზა: ოლიმპიადის ამ ზაფხულს ჩატარება ან საერთოდ გაუქმება.

ტოკიოში კორონავირუსის შემთხვევების დრამატულმა ზრდამ გაახშირა სპეკულაციები ოლიმპიური თამაშების ჩატარებასთან დაკავშირებით.

ქვეყანაში კორონავირუსის გამო, საგანგებო მდგომარეობაა გამოცხადებული.