საპარლამენტო უმრავლესობის ლიდერი, ბექა დავითულიანი ამბობს, რომ მმართველი გუნდი ოპონენტებთან კონსენსუსს ვერ აღწევს ისეთ ელემენტარულ საკითხებზეც კი, როგორიცაა ის, რომ "ხვალ დილას მზე ამოვა".

"სამწუხაროდ ჩვენ კონსენსუს ამ ქვეყანაში და ამ პოლიტიკურ ველზე, ვერ ვაღწევთ ისეთ ელემენტარულ საკითხებზე, როგორიც არის, რომ ხვალ დილას მზე რომ ამოვა. ამაზე ჩვენ კონსენსუსს ოპონენტებთან ვერ ვაღწევთ", — განაცხადა დავითულიანმა პალიტრანიუსის ეთერში.

ეს განცხადება დავითულიანმა მას შემდეგ გააკეთა, რაც ირაკლი კობახიძეზე საუბრისას თქვა, რომ მან "ფაქტობრივად, მარტომ დაწერა" ქვეყნის კონსტიტუცია, ჟურნალისტმა კი შეახსენა, რომ ეს კონსტიტუცია კონსენსუსის გარეშე იყო მიღებული

"ირაკლი არის ადამიანი, რომელმაც ამ ქვეყნის კონსტიტუცია დაწერა. ფაქტობრივად, მარტომ დაწერა. მის ინტელექტუალურ შესაძლებლობაში არავის, გუნდის შიგნით, ეჭვი არ ეპარება", — ამბობს დავითულიანი.

შეგახსენებთ, რომ ბიძინა ივანიშვილის პოლიტიკიდან წასვლის შემდეგ, ქართული ოცნების პოლიტსაბჭომ პარტიის თავმჯდომარის პოსტზე ირაკლი კობახიძის კანდიდატურა წარადგინა. მმართველის პარტიის ყრილობა შაბათს, 16 იანვარს გაიმართება, სადაც პოლიტსაბჭოს ახალ წევრებს საზოგადოებას წარუდგენენ და პარტიის ახალ თავმჯომარეს დაამტკიცებენ.

გაიგეთ მეტი: