ქართული ოცნების ყოფილი წევრი და პარტია ტრიბუნალის ლიდერი, დავით ჭიჭინაძე აცხადებს, რომ ბიძინა ივანიშვილს პარტიის კობახიძისთვის დატოვებას ურჩევნია, მტკვარს გაატანოს იგი.

"არ ვიზიარებ მოსაზრებას, რომ ივანიშვილი არსად წასულა. ის მიდის, რადგან ივანიშვილზე კარგად არავინ იცის რა მხარდაჭერაც დარჩა საზოგადოებაში, გინდ ადამიანური, გინდ პოლიტიკური. მან ასევე გადასარევად იცის რას ნიშნავს მოლაპარაკებების დარღვევა. ასე რომ, ასეთი დამარცხებული პოლიტიკოსი ჩვენ არ გვყოლია. მაგრამ, კობახიძისთვის "ოცნების" დატოვებას, ივანიშვილს ურჩევნია მტკვარს გაატანოს ეს "ოცნება", — განაცხადა დავით ჭიჭინაძემ.

დღეს, ბიძინა ივანიშვილმა გამოაქვეყნა წერილი, სადაც ამბობს, რომ პოლიტიკიდან მიდის. ქართული ოცნების თავმჯდომარის პოსტზე, პარტიის აღმასრულებელი მდივნის, ირაკლი კობახიძის კანდიდატურა განიხილება.

გაიგეთ მეტი: