ოსკაროსანი მსახიობები ჯულია რობერტსი და ვაიოლა დევისი ერთად ითამაშებენ ფილმში მნიშვნელოვანი წვრილმანები.

ფილმის სიუჟეტი ჯოდი პიკოლტსის ამავე სახელწოდების ბესტსელერ რომანს ეფუძნება, სადაც ისტორის ეპიცენტრში ორი ქალია.

კინოსურათი, რომელზეც ლა ლა ლენდის პროდიუსერები DreamWorks Pictures-თან და Amblin Entertainment-თან ერთად იმუშავებენ, რასებს შორის ურთიერთობას ეხება.

ვაიოლა დევისი ფილმში აფროამერიკელი მედდის, რუთის როლს შეასრულებს, რომელსაც ქმარი ავღანეთის ომში დაეღუპა.

სიუჟეტის მიხედვით მოქმედება კონეკტიკურის შტატში ხდება, სადაც რუთი ერთ-ერთ საავადმყოფოში მედდად მუშაობს. ერთ დღეს კლინიკაში ჩვილი დაიღუპება, ერთადერთი ადამიანი კი რომელიც ამ დროს ოთახში იყო სწორედ ვაიოლა დევისის პერსონაჟია, სწორედ მას დააბრალებენ ჩვილის გარდაცვალებას.

ჯერ-ჯერობით უცნობია ვის როლს შეასრულებს ჯულია რობერტსი, იქნება ის სახალხო დამცველი კენედ მაკკუარი, თუ გარდაცვლილი ჩვილის დედა.

ვაიოლა დევისი და ჯულია რობერტსი დიდი ხნის მეგობრები არიან. ისინი უკვე იყვნენ პარტნიორები ფილმში ჭამე ილოცე გიყვარდეს.