ესპანელი რეჟისორი პედრო ალმოდოვარი კანის 70-ე კინოფესტივალის ჟიურის თავმჯდომარე იქნება.

პედრო ალმოდოვარის ფილმებს რამდენჯერმე აქვს მიღებული ოქროს პალმის რტო, მათ შორის ჯილდო საუკეთესო რეჟისურისა და სცენარისთვის.

კანის კინოფესტივალის პრეზიდენტმა ალმოდოვარს უნიკალური და უდიდესი არტისტი უწოდა და თქვა, რომ მოხარულია ამ ფაქტით.

"ძალიან ბედნიერი ვარ კანის 70-ე, საიუბილეო ფესტივალზე ასეთი საპატიო სტატუსით რომ ჩავალ. იმედი მაქვს ჩემზე დაკისრებულ მოვალეობას კარგად შევასრულებ. პირობას ვდებ, რომ საკუთარ თავს, სხეულსა და სულს შევწირავ ამ საქმეს, რადგან იყო კანის ფესტივალის ჟიურის თავმჯდომარე არის დიდი პრივილეგია და პატივი", - ამბობს პედრო ალმოდოვარი.

კანის კინოფესტივალი 17 მაისს დაიწყება.