თბილისის მერიის ახალი პროგრამის ფარგლებში სქოლიოზისა და ბრტყელტერფიანობის დიაგნოსტიკა სრულად ფინანსდება. აღნიშნულ პროგრამაში თბილისის მუნიციპალიეტეტში რეგისტრირებულ 4-დან 15 წლამდე ასაკის ბავშვებსა და მოზარდებს შეუძლიათ ჩაერთონ.

ჯანდაცვისა და სოციალური მომსახურების საქალაქო სამსახურის უფროსის, გელა ჩივიაშვილის ინფორმაციით, გამოკვლევები წელიწადში ერთხელ, სრულად ფინანსდება. რაც შეეხება დიაგნოსტიკის ფარგლებში გამოვლენილი დაავადებების აღდგენითი თერაპიას, სოციალურად დაუცველის სტატუსის მქონე პაციენტებისათვის, წელიწადში ერთხელ, ის უფასო იქნება, საყოველთაო ჯანდაცვის სახელმწიფო პროგრამის მოსარგებლეთათვის კი აღნიშნული მომსახურების საფასური 70%-ით ანაზღაურდება.

ჩივიაშვილის განმარტებით, აღდგენითი თერაპია სამკურნალო ვარჯიშს, სამკურნალო მასაჟს, ფიზიოთერაპიასა და, საჭიროების შემთხვევაში, რენტგენოგრაფიასაც გულისხმობს.

ორთოპედიულ დაავადებათა სკრინინგისა და აღდგენითი თერაპიის პროგრამაში ჩართვისთვის მსურველებმა შემდეგ სამედიცინო დაწესებულებებს უნდა მიმართონ:

  • დედათა და ბავშვთა სამკურნალო-პროფილაქტიკური ცენტრი, მიცკევიჩის 29ა.
  • ულტრამედი, თემქა 10 კვ.
  • მედკაპიტალი, გამრეკელის 19.
  • კლინიკა მედსი, ლ. ქიაჩელის 18.
  • საოჯახო მედიცინის ეროვნული სასწავლო ცენტრი, ჯავახიშვილის 43.
  • M მედი 22, ბუაჩიძის ქ.12ა.
  • თბილისის მე-13 პოლიკლინიკა, რ. ლაღიძის 8.
  • Medison, ალ. გობრონიძის ქ. 27.
  • Krol Medical Corporation, ი. ჭავჭავაძის გამზ. 44.
  • თბილისის 4-ე საოჯახო მედიცინის ცენტრი, ვაზისუბნის მე-4 მ/რ 1 კვ.
  • თბილისის 4-ე საოჯახო მედიცინის ცენტრი, იუნკერთა 1.
  • თბილისის 4-ე საოჯახო მედიცინის ცენტრი, ახალუბნის 10.
  • მედკაპიტალი, ვეკუას 18.
  • ჰოლდინგი 23, ხიზანიშვილის 28.
  • Medison, კალოუბნის 12.
  • Medison, ვაჟა-ფშაველას 83/11.
  • Krol Medical Corporation, ნაქალაქევის 3.
  • ბაზი, ლუბლიანას 21.
  • "სამედიცინო კორპორაცია ევექსი - ტრავმატოლოგიური ჰოსპიტალი, ლუბლიანას 21.
  • 16 შერეული პოლიკლინიკა, ლილოს დას.გრანგულიანის 19.
  • ავერსის კლინიკა, ვაჟა-ფშაველას 27/ბ.
  • ნიუმედი, მარიჯანის 4.