ჯანდაცვის მინისტრის მოადგილის, თამარ გაბუნიას განცხადებით, კორონავირუსის ახალი შტამის შესახებ დღეს მხოლოდ ისაა ცნობილი, რომ იგი შედარებით სწრაფად ვრცელდება.

"მის უფრო მეტად დამაზარალებელ ზეგავლენაზე მონაცემები არ არის და არ დასტურდება. სისტემური პასუხი ამ შტამთან მიმართებაში იქნება ის, რომ უფრო აქტიურად გამოვიყენოთ პირადი დაცვის საშუალებები, ანუ ეს კიდევ ერთხელ ადასტურებს იმას, რომ გავრცელების შეფერხების მიზნით, მნიშვნელოვანია ინდივიდუალურ დონეზე პირადი დაცვის საშუალებების გამოყენება და ყველა იმ წესის დაცვა, რომელსაც ვიყენებდით სხვა შტამებისთვისაც აქამდე", — განაცხადა გაბუნიამ.

დღეს საქართველოში კორონავირუსის ახალი შტამი დადასტურდა. NCDC-ის ცნობით, პაციენტი 50 წელს გადაცილებული კაცია, რომლის მდგომარეობა დამაკმაყოფილებელია და იზოლაციაში იმყოფება. მათივე თქმით, მისი კონტაქტები დადგენილია.