თბილისის მერმა, კახა კალაძემ მოსახლეობას ახალი 2021 წელი მოულოცა და განაცხადა, რომ მომავალი წელი "აღდგენის, განახლების და გაძლიერების" წელი იქნება. მისი თქმით, "ერთად ყოფნას და მომავლისკენ სვლას" ვერაფერი შეაჩერებს.

"ჩვენ ერთად ვართ, სოლიდარულები ვართ და ყველა ერთად, ყველა სირთულეს დავძლევთ. საქართველოს ბევრი განსაცდელი გადაულახავს და არ დაცემულა — ფერფლიდან აღმდგარა და ახალი სიცოცხლე დაუწყია. მომავალი წელი იქნება აღდგენის, განახლების და გაძლიერების წელი", — თქვა მან.

კალაძის განცხადებითვე, მომავალი წლის რწმენამ ყველას მისცა ძალა, რომ 2020 წელი გადაეტანათ და არ დანებებულიყვნენ.

"გილოცავ საქართველო! გილოცავ ჩემო თბილისო! გილოცავთ ჩემო უსაყვარლესო
ხალხო! მრავალჟამიერ!", — განაცხადა კალაძემ.