ვლადიმერ პუტინი კორონავირუსის წინააღმდეგ რუსული ვაქცინის, Sputnik V-ს გაკეთებას გეგმავს. ეს სიახლე კრემლის სპიკერმა, დიმიტრი პესკოვმა ჟურნალისტებს განუცხადა. ინფორმაცია ამის შესახებ გამოცემა Reuters-მა გაავრცელა.

"მან გადაწყვიტა, რომ ვაქცინას გაიკეთებს და ფორმალური პროცედურების მოგვარებას ელოდება", — განაცხადა პესკოვმა.

რუსეთში რუსული ვაქცინით ნებაყოფლობითი ვაქცინაციის პროგრამა დეკემბერის დასაწყისში ჩაუშვა და აცრა ყველაზე დაუცველი ჯგუფებით დაიწყო, მათ შორის მოიაზრებიან ასაკოვანი ადამიანებიც. 68 წლის პუტინი სწორედ ამ ჯგუფში აღმოჩნდა.