ნაციონალური მოძრაობის ერთ-ერთი ლიდერის, ზაალ უდუმაშვილის განცხადებით, მან არ იცის ვის გულისხმობს არჩილ თალაკვაძე, თუმცა ფაქტი ისაა, რომ პარლამენტში არავინ შედის.

"მე ვერ გეტყვით კონკრეტულად ვის გულისხმობს არჩილ თალაკვაძე, თუმცა მე შემიძლია ფაქტებით ვისაუბრო. დღეს არის ფაქტი ის, რომ არავინ არ შედის პარლამენტში. ბუნებრივია, იმ პარტიის წარმომადგენლებმაც, რომელსაც განცხადებები ოფიციალურად ჯერ არ დაუწერიათ, მათი განცხადებებიდან გამომდინარე თუ ვიმსჯელებთ, ისინიც ამბობენ, რომ თუ შეთანხმება არ შედგა, ისინი არ შედიან პარლამენტში და ასეთი შეთანხმება ჯერჯერობით არ შემდგარა", — განაცხადა უდუმაშვილმა.

26 დეკემბერს საქართველოს პარლამენტის თავმჯდომარემ, არჩილ თალაკვაძემ განაცხადა, რომ სჯერა, ოპოზიცია უახლოეს დღეებში საპარლამენტო პროცესში მონაწილეობას დაიწყებს.