საპარლამენტო უმრავლესობის ლიდერის, ირაკლი კობახიძის თქმით, ქართული ოცნება მზად არის ხვალვე გამართოს მეხუთე რაუნდი და ისაუბროს ოპოზიციასთან.

"ჩვენი მხრიდან არის სრული მზაობა, ხვალაც რომ დაინიშნოს მეხუთე რაუნდი ჩვენ ზად ვართ საუბრისთვის. ვნახოთ როგორი იქნება ოპოზიციის პოზიცია ამასთან დაკავშირებით", — ამბობს კობახიძე.

ოფიციალურად პარლამენტმა მუშაობა 11 დეკემბერს დაიწყო. ამის პარალელურად, ბარიერგადალახულმა ოპოზიციურმა პარტიებმა საკუთარ მანდატებზე უარი თქვეს. ქართული ოცნება ამბობს, რომ ყველა ასეთ პარტიას მანდატები გაუუქმდება, ხოლო დაფინანსება შეუწყდება. ამასთან, მმართველი ძალის განცხადებითვე, ისინი დააინიცირებენ კანონპროეტქს, რომლის თანახმადაც საარჩევნო რეგისტრაცია გაუუქმდება პარტიას, რომლის ლიდერიც კონსტიტუციურ საარჩევნო ცენზს არ აკმაყოფილებს, კერძოდ, არის უცხო ქვეყნის მოქალაქე ან მისჯილი აქვს თავისუფლების აღკვეთა.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში – რა ხდება პარლამენტში.