თბილისის მერი მედიის მიერ აფრიკის დასახლებაში გადაღებული ბავშვების ფოტოების გავრცელებას "ამორალურ მანიპულაციას" უწოდებს და მიიჩნევს, რომ მედია ამით "ყალბ ინფორმაციას ამძაფრებს".

"რამდენიმე დღეა თვალს ვადევნებ მედიაში ხელოვნურად შექმნილ ფეიკ კამპანიას უსახლკარო ოჯახებზე. ძალიან ვწუხვარ, რომ მოსახლეობის ნაწილი, მით უმეტეს სოცქსელების მომხმარებლები, აყვნენ ამ ამორალურ მანიპულაციას. ასე სახე როგორ უნდა დაკარგოთ ზოგიერთებმა, რომ ბავშვების საშუალებით "გაამძაფროთ" ყალბი ინფორმაცია?!.
ამის იქით რაღა დარჩა? შემდეგი მანიპულაციისთვის რას და როგორ გამოიყენებთ — წარმოდგენაც კი მზარავს! ვიტყოდი სირცხვილია-ს, მაგრამ ბავშვების ფოტოების მოფრიალეებს, არა მგონია ეს გრძნობა აწუხებდეთ", — წერს კალაძე Facebook-ზე.

მედიაში რამდენიმე ფოტო გავრცელდა, სადაც აფრიკის დასახლებაში მცხოვრები ადამიანების ყოველდღიური ყოფაა ასახული.