სენატის საგარეო საქმეთა კომიტეტის თავმჯდომარემ, ჯიმ რიშმა განაცხადა, რომ მმართველი გუნდი ოპიზიციური პარტიების ხმის ჩახშობისგან თავს უნდა იკავებდეს. ასე გამოეხმაურა ის ამერიკის ხმასთან საუბრისას საქართველოში არსებულ პოლიტიკურ კრიზისს და ენმ-სთვის რეგისტრაციის შესაძლო გაუქმებას.

"ძლიერი დემოკრატია მოიცავს სიტყვის თავისუფლებას. საქართველო უკვე ძალზედ დაზიანდა პოლიტიკური ანგარიშწორებით და ამის მსგავსი კანონპროექტები უთანასწოროს ხდის პირობებს, რომლებითაც ყველა პოლიტიკურმა მონაწილემ უნდა ისარგებლოს. მმართველი პარტიები ოპოზიციური ხმის ჩახშობის მცდელობებისგან თავს უნდა იკავებდნენ და პირიქით უნდა ეცადონ, რომ ყველა მხარეს დემოკრატიულ პროცესში მონაწილეობის თანასწორი საშუალება ჰქონდეს", — განაცხადა მან.

ქართული ოცნების მიერ ინიცირებული კანონპროექტი ნაციონალური მოძრაობის არჩევნებიდან მოხსნის პროცედურას ამარტივებს. პარტიის აღმასრულებელი მდივნის, ირაკლი კობახიძის განცხადებით, პარლამენტში ინიციატივის წესით შევიდა კანონპროექტი, რომელიც იმ პოლიტიკური პარტიის საარჩევნო რეგისტრაციის გაუქმებას ითვალისწინებს, რომლის წინასაარჩევნო აგიტაციაში პოლიტიკური ლიდერის რანგში მონაწილეობას მიიღებს პირი, რომელიც აქტიური საარჩევნო უფლების რეალიზაციისათვის კონსტიტუციით დადგენილ რომელიმე ცენზს არ აკმაყოფილებს.

გაიგეთ მეტი: