დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორის, თენგიზ ცერცვაძის თქმით, კორონავირუსით ჰოსპიტალს გარეთ გარდაცვლილთა რიცხვი — 33, არის "მიზერზე მიზერი". ის ამბობს, რომ კოვიდსასტუმროების მოდელი ყველაზე წარმატებულია საქართველოში.

"აი, ამან, რომ ჰოსპიტალიზაციის პროცენტი მაღალია, გადატვირთვა გაზარდა და უკმაყოფილება მოსახლეობაში გაზარდა, მაგრამ ნახეთ, ძალიან მნიშვნელოვანი მაჩვენებელი, რომელიც მე სპეციალურად გადავამოწმე, ჯანდაცვაშიც და სამთავრობო კომისიაშიც, მათ შორის შესაბამის სამსახურებში. ე.ი. საქართველოში ჰოსპიტალს გარეთ გარდაცვლილია, სასტუმროებსა და ბინაზე 33 პაციენტი, ეს არის მიზერზე მიზერი", — განაცხადა ცერცვაძემ პირველი არხის ეთერში.

ამ მონაცემებზე საუბრისას, მან მაგალითად ისევ ევროპის მაჩვენებელი მოიყვანა.

"ინგლისში გარდაცვლილია 6600 პაციენტი [... ] გადახედეთ, ყველა ქვეყანაში გადატვირთულია ჰოსპიტალური სექტორი. ნიდერლანდებს და ბელგიას საერთოდ გერმანიაში მიჰყავთ პაციენტები, თვითონ ვერ აუდიან. აი ეს ფაქტი რომ საქართველოში 33 ადამიანია, პასუხს ვაგებ რომ ეს ასეა, გარდაცვლილი და სასტუმროში მხოლოდ 2, რაც ცალსახად ლაპარაკობს, რომ სასტუმროები არის ყველაზე წარმატებული მოდელი საქართველოში, რომელსაც მსოფლიოში ანალოგი არ აქვს, გარდა სამხრეთ კორეისა", — აღნიშნა მან.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 201 368-ს. გამოჯანმრთელებულთა რაოდენობა გაიზარდა — 169 282-მდე. პანდემიის გავრცელებიდან დღემდე ვირუსს ჯამში 1 953 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: