ქართული ოცნების აღმასრულებელი მდივნის, ირაკლი კობახიძის განცხადებით, ამნისტიის კანონპროექტის შესახებ მუხლები გამოქვეყნებულია და დაკონკრეტებული, თუ ვის ეხება ის.

"დაახლოებით, 1 000-მდე პატიმარს შეეხება ეს კანონპროექტი. რაც შეეხება იმ 5 პირს, რომლებსაც რადიკალური ოპოზიციიის წარმომადგენლები პოლიტპატიმრებს უწოდებენ, მათ ეს კანონპროექტი არანაირი ფორმით არ ეხებათ", — განაცხადა კობახიძემ.

გუშინ, 16 დეკემბერს საქართველოს პარლამენტში დააინიცირეს კანონპროექტი ამნისტიის შესახებ, რომლის მიხედვითაც ამნისტია სულ 44 მუხლით გათვალისწინებულ დანაშაულს შეეხება და აქ არ შევა ისეთი მძიმე დანაშაულები, როგორიცაა მკვლელობა, ოჯახური ძალადობა და სხვა.