პრემიერმინისტრ გიორგი გახარიას თქმით, მაშინ, როდესაც ევროპის ქვეყნები სულ უფრო და უფრო ამკაცრებენ შეზღუდვებს, საქართველომ ყველაფერი უნდა გააკეთოს იმისთვის, რომ თითოეული შემდგომი ნაბიჯი, პირველ რიგში, პასუხისმგებლიანი და გონივრული იყოს.

"ყველაფერი უნდა გავაკეთოთ იმისთვის, რომ ეს გარდამავალი მცირედი მიღწევა, შედეგი, რომელიც დღეს ჩვენ შეგვიძლია ვთქვათ, რომ გვაქვს, პირველ რიგში, შევინარჩუნოთ და გავუფრთხილდეთ. როდესაც ევროპული სახელმწიფოები სულ უფრო და უფრო ამკაცრებენ შეზღუდვებს, საახალწლო შეზღუდვებს მათ შორის, ჩვენ ყველაფერი უნდა გავაკეთოთ იმისთვის, რომ თითოეული ჩვენი შემდგომი ნაბიჯი, პირველ რიგში პასუხისმგებლიანი და გონივრული იყოს", — განაცხადა გახარიამ.

17 დეკემბრის მონაცემებით, საქართველოში კორონავირუსის ახალი 2 981 შემთხვევა დადასტურდა, გარდაიცვალა 31, ხოლო გამოჯანმრთელდა 2 001 ადამიანი.