პრემიერმინისტრობის კანდიდატის გიორგი გახარიას თქმით, ქვეყანამ შეძლო კორონავირუსის ინფიცირების გავრცელების შეჩერება. ამის შესახებ მან საკოორდინაციო საბჭოს დაწყების წინ განაცხადა.

"ჩვენ შევძელით ინფექციის გავრცელების ტემპების შეჩერება. შეიძლება ვთქვათ, პირველად 17 ათასზე მეტი ტესტის პირობებში ინფიცირების 3 ათასზე ნაკლები შემთხვევა გვაქვს ეს გვაძლევს ფრთხილი ოპტიმიზმის შესაძლებლობას. პირველი ამოცანა იყო გავრცელების ტემპის შეჩერება, რაც ჩვენ მოვახერხეთ", — ამბობს გახარია.

17 დეკემბრის მონაცემებით, საქართველოში კორონავირუსის 2 981 ახალი შემთხვევა გამოვლინდა და გარდაიცვალა კიდევ 31 ადამიანი. ამასთან, გამოჯანმრთელდა — 2 001 პაციენტი.