საქართველოს პრეზიდენტის საპარლამენტო მდივნის ანა დოლიძის განცხადებით, პრეზიდენტის საპარლამენტო გამოსვლა, სავარაუდოდ, მარტში გაიმართება:

"იქედან გამომდინარე, რომ საქართველოს პრეზიდენტს სულ ახლახან ჰქონდა მიმართვა ახალარჩეული პარლამენტის მიმართ და პრეზიდენტის დღის წესრიგიდან გამომდინარე, ჩვენ კონსულტაციები გავმართეთ საქართველოს პარლამენტთან და შევჯერდით, რომ უპრიანი იქნებოდა პრეზიდენტის გამოსვლა შემდგარიყო მოგვიანებით, გაზაფხულზე, სავარაუდოდ, მარტში".

დოლიძის განცხადებით, საქართველოს პრეზიდენტის საპარლამენტო გამოსვლა შეეხება ყველა იმ საკითხს, რომელსაც ყურადღება უნდა მიაქციოს საქართველოს პარლამენტმა.