სათხილამურო კლუბ პროლესკი საქართველოში პანდემიის გამო დაწესებული რეგულაციები გააპროტესტეს და აქცია-პერფორმანსი მოაწყვეს. ახალი რეგულაციების თანახმად, სილამაზის სალონები იმ ბიზნესების მცირე ჩამონათვალში მოხვდა, რომელთაც შეზღუდვების პერიოდში მუშაობის უფლება აქვთ. სწორედ ამის გამო, სათხილამურო კლუბი, სადაც სრიალს ასწავლია, სილამაზის სალონად "გადაკეთდა".

სათხილამურო კლუბში მივიდა გირჩის ლიდერი, ზურაბ ჯაფარიძე, რომელსაც პირდაპირ ეთერში თმები შეუჭრეს და წვერი გაუსწორეს.

"მფლობელები აპროტესტებენ რეგულაციებს, რომლის გამოც მოუწიათ ბიზნესის გაჩერება, რომელშიც ჩადებული აქვთ მილიონ ლარამდე ინვესტიცია და გააჩერეს სულ ტყუილად. არანაირი კავშირი ამას კორონასთან არ აქვს. რადგან დაშვებული არის სილამაზის სალონები, ბიზნესის პროფილი შეცვალეს და სილამაზის სალონად არის გადაკეთებული. შეგიძლიათ, მოხვიდეთ თმები გაიკრიჭოთ ან წვერი გაისწოროთ და საჩუქრად პაკეტში გაჩუქებენ თხილამურზე ან სნოუბორდზე ვარჯიშს. ეგეთი ბიზნესი გახდა", — განაცხადა ჯაფარიძემ.

თმების შეკრეჭის შემდეგ მან სასაჩუქრე პაკეტი გამოიყენა და თხილამურზე ისრიალა.

ამავე თემაზე: