ქართული ოცნების ყოფილი დეპუტატის, გედევან ფოფხაძის თქმით, ის "ნაცი, რომელიც დღეს მორალურ პოზიციაზე დგას", გაცილებით უკეთესია ქართული ოცნების იმ მომხრეზე, რომელიც მისი თქმით, 2012 წელს შეიძლება მორალურ პოზიციაზე იდგა, მაგრამ დღეს "ერთი კაცის კერძო ინტერესებს ემსახურება".

"მე მიმაჩნია, რომ ვინც დღეს შევიდა პარლამენტში, ისინი ავიდნენ სისხლის სამართლის დანაშაულის შესრულების პროცესში. ისინი არიან ჩვეულებრივი უზურპატორი დაჯგუფება, რომელმაც უკანონოდ აიღო ხელისუფლება", — განაცხადა მან TV პირველის ეთერში.

დღეს, 11 დეკემბერს პარლამენტში მე-10 მოწვევის სხდომა მიმდინარეობს, რომელშიც მხოლოდ ქართული ოცნება იღებს მონაწილეობას. სხდომაზე ასევე არიან მიწვეული პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვა და ხელი მოაწერა საერთო მემორანდუმს ბოიკოტის შესახებ.