ქართული ოცნების დეპუტატის, გიორგი კახიანის თქმით, პარლამენტში კომიტეტის თავმჯდომარეობა ძალიან მაღალი თანამდებობაა და იგი მინისტრობას უთანაბრდება. ასე ხსნის იგი იუსტიციის ყოფილი მინისტრის, თეა წულუკიანის ახალ თანამდებობას.

"ქალბატონი თეა წულუკიანი, ალბათ, ერთადერთი მინისტრია, რომელიც ბოლო 8 წლის განმავლობაში ინარჩუნებდა იმ თანამდებობას და მან თავად მიიღო ასეთი გადაწყვეტილება, რომ მომავალში აღარ ყოფილიყო იუსტიიცის მინისტრი. პარლამენტში იგი დაიკავებს ერთ-ერთი კომიტეტის თავმჯდომარის თანამდებობას. ეს თანამდებობა არის ძალიან მაღალი თანამდებობა [...] ვერანაირ დაქვეითებაზე ვერ ვისაუბრებ", — განაცხადა მან.

მეათე მოწვევის პარლამენტში ისუტიციის ყოფილი მინისტრი, თეა წულუკიანი განათლების, მეცნიერებისა და კულტურის კომიტეტის თავმჯდომარე იქნება. ამის შესახებ ქართული ოცნების აღმასრულებელმა მდივნმა, ირაკლი კობახიძემ 10 დეკემბერს განაცხადა. თეა წულუკიანმა იუსტიციის მინისტრის თანამდებობა 29 სექტემბერს დატოვა.