ერთიანი ნაციონალური მოძრაობის ერთ-ერთი ლიდერი, ნიკა მელია დარწმუნებულია, რომ მოქალაქეების წევრები, ალეკო ელისაშვილი და ლევან იოსელიანი, ასევე რესპუბლიკელები პარლამენტში არ შევლენ. ამის შესახებ მან TV პირველთან ისაუბრა.

"მე დარწმუნებული ვარ, რომ რესპუბლიკური პარტიის არც ერთი წევრი არ შევა პარლამენტში, ეჭვი რომ მეპარებოდეს, ამას არ ვიტყოდი. არ არსებობს არც ერთი პოლიტიკოსი, ვინც ივანიშვილს მოპარულ არჩევნებს დაუკანონებს. ალეკო ელისაშვილიც და ლევან იოსელიანიც არ შევლენ პარლამენტში, როგორც თქვენ გიყურებთ, ისე ვარ დარწმუნებული. ვერ წარმომიდგენია, 90 დეპუტატი სხდომათა დარბაზში ქართული ოცნებიდან და ორი ან სამი იყოს მარცხენა ფლანგზე. რესპუბლიკურმა პარტიამ ასეთი საკომუნიკაციო არხი არჩია საზოგადოებასთან, ჩვენ, ძალა ერთობაშიას ბლოკმა, მივიღეთ სხვა გადაწყვეტილება", — განაცხადა მელიამ.

დღე მეათე მოწვევის პარლამენტის პირველი სხდომა იმართება. პარალელურად ბარიერგადალახული ოპოზიციური პარტიები მოსწავლე ახალგაზრდობის სასახლის ბაღში შეიკრიბნენ და საპარალამენტო მანდატებზე უარის თქმასთან დაკავშირებით განცხადებას ხელი მოაწერეს.

საპარლამენტო მანდატებზე უარის თქმა გადაწყვიტეს პარტია მოქალაქეებისა და პარტია რესპუბლიკელების წევრებმა. მათი თქმით, ჯერ მოლაპარაკების პროცესის დასრულებას დაელოდებიან.