ძალიან, ძალიან შორეულ გალაქტიკაში დართ ვეიდერი ბრუნდება.

Lucasfilm-ის პრეზიდენტმა კეთლინ კენედიმ დისნეის ინვესტორების დღეზე განაცხადა, რომ ვარსკვლავური ომების (Star Wars) პრიქველის ვარკსვლავი ჰაიდენ კრისტენსენი ობი-ვან კენობის სერიალში დართ ვეიდერის როლს ისევ მოირგებს.

ობი-ვანის სერიალი, რომელშიც მთავარ როლს ევან მაკგრეგორი ასრულებს (რომელმაც პრიქველის ფილმებში ყველასთვის საყვარელი ჯედაი განასახიერა), Disney Plus-ზე გამოვა. Lucasfilm-ის ცნობით, ახალი სერიალის მოქმედება პრიქველის ტრილოგიის ბოლო ფილმის, სიტჰების შურისძიების (Revenge of the Sith), დრამატული მოვლენებიდან 10 წელიწადში ვითარდება.

სერიალში ასევე მონაწილეობენ მსახიობები ჟენევივ ო'რაილი (მონ მოთმას როლში), სტელან სკარსგარდი, კაილ სოლერი, დენის გოფი და ადრია არხონა. ფანებს ემახსოვრებათ, რომ სიტჰების შურისძიებაში ენეკინ სკაიუოკერი ჯედაის შეგირდიდან სიტჰების ლორდად, დართ ვეიდერად, გარდაიქმნა. ჯერჯერობით უცნობია, ექნება თუ არა სერიალში მას ვეიდერის ცნობილი ნიღაბი. მიუხედავად იმისა, პერსონაჟის შემზარავ ბოროტმოქმედად აღზევება ვარსკვლავური ომების რამდენიმე კომიქსშია აღწერილი, მის ძალას კი ცოტათი Rogue One-შიც მოვკარით თვალი (მთავარ ფილმებზე რომ აღარაფერი ვთქვათ).

კენედის თქმით, სერიალის გადაღებები 2021 წელს დაიწყება.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…