საქართველოს პროკურატურის ცნობით, ბრალი წარედგინა დაცვის პოლიციის დეპარტამენტის ინსპექტორს, რომელმაც ფსიქიკური ჯანმრთელობისა და ნარკომანიის პრევენციის ცენტრში მეტადონით ჩანაცვლებითი თერაპიის პროცესის მიმდინარეობისას, ბენეფიციარს ფიზიკური შეურაცხყოფა მიაყენა.

უწყების ცნობით, მას სისხლის სამართლის კოდექსის 333-ე მუხლის მე-3 ნაწილის ბ ქვეპუნქტით წარედგინა ბრალი, რაც სამსახურებრივი უფლებამოსილების ძალადობით გადამეტებას გულისხმობს.

პროკურატურის ცნობით, მათ თბილისის საქალაქო სასამართლოს ბრალდებულულის მიმართ აღკვეთის ღონისძიების გამოყენების მოთხოვნით უკვე მიმართეს.