დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის თქმით, კორონავირუსის სამკურნალოდ გამოჯანმრთელებული პაციენტის პლაზმის გამოყენება არ იზღუდება, თუმცა ეს ექსპერიმენტული თერაპიაა. ამის შესახებ მან საკოორდინაციო საბჭოს სხდომის შემდეგ განაცხადა, სადაც მას ჰკითხეს, მკურნალობისას პლაზმას უფრო აქტიურად რატომ არ იყენებდნენ.

"ეს არის ექსპერიმენტული თერაპია და სანამ არ მოხდება ზუსტად დადასტურება, რომ პლაზმა არის ერთ-ერთი და ერთადერთი ის სამკურნალო ხერხი, რომელიც ეფექტურად აისახება პაციენტების ჯანმრთელობაზე, იმპერატიულად ჯანდაცვის სამინისტრო ვერ მოახდენს ამაზე მსგავს რეაგირებას, რაც მოთხოვნაა. თუმცა ექსპერიმენტის ფარგლებში, თქვენ იცით, რომ ბატონი თენგიზიც [ცერცვაძე] და რამდენიმე კლინიკა იყენებენ პლაზმურ თერაპიას", — განაცხადა ტიკარაძემ.

8 დეკემბრის მონაცემებით, საქართველოში კორონავირუსის 4 673 ახალი შემთხვევა გამოვლინდა. გარდაიცვალა კიდევ 36 ადამიანი, ხოლო გამოჯანმრთელდა — 3 893. შემთხვევების საერთო რაოდენობა შეადგენს 169 649-ს, ხოლო ჯამში გამოჯანმრთელებულთა რაოდენობა გაიზარდა 141 392-მდე. 2020 წლის 26 თებერვლიდან დღემდე 1 576 ადამიანი გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: