იუსტიციის უმაღლესი საბჭოს გვერდზე უზენაესი სასამართლოს მოსამართლეობის კანდიდატის, დიმიტრი გვრიტიშვილის ხელნაწერი ავტობიოგრაფია აიტვირთა, სადაც ის თავის პროფესიულ ოცნებასა და "კარიერულ პიკზე" საუბრობს.

ოჯახისა და განათლების შემდეგ გვრიტიშვილი საუბარს კარიერულ გზაზე აგრძელებს და ამბობს, რომ 2005-2007 წლებში თბილისის მერიაში სხვადასხვა თანამდებობაზე მუშაობდა:

"ბოლოს ვიყავი იურიდიული სამსახურის სასამართლოსთან ურთიერთობის განყოფილების უფროსიც".

ამის მერე იყო იყო უზენაეს სასამართლოში მოსამართლის თანაშემწე და მერე უკვე, როგორც თავად ამბობს, იწყება მისი კარიერის "თავბრუდამხვევი განვითარება".

  • 2008 წელი — თბილისის საქალაქო სასამართლოს მოსამართლე;
  • 2012 წელის — ქუთაისის სააპელაციო სასამართლოს მოსამართლე და სამოქალაქო საქმეთა პალატის თავმჯდომარე;
  • 2017 წლიდან — ქუთაისის სააპელაციო სასამართლოს თავმჯდომარე.

გვრიტიშვილი საკუთარ უკანასკნელ პოზიციად 2017 წლიდან დაკავებულ თანამდებობას ასახელებს, მაშინ, როცა დღეის მონაცემებით თბილისის სააპელაციო სასამართლოს მოსამართლეა.

შემდეგ საუბრობს ოჯახზე და აღნიშნავს, რომ ხან ქუთაისში ცხოვრობს, ხანაც — თბილისში.

ჭადრაკის, კინოსა და მუსიკის სიყვარულზე საუბრის შემდეგ, გვრიტიშვილი ავტობიოგრაფიას თავის კარიერულ ოცნებაზე საუბრით ასრულებს:

"მსურს გავხდე საქართველოს უზენაესი სასამართლოს მოსამართლე. აბსოლუტურად მესმის, რამხელა გამოწვევაა, მაგრამ მიივიჩნევ, რომ ადამიანი არ უნდა შეჩერდეს, მუდამ ზრუნავდეს პროფესიულ განვითარებაზე და არც სიძნელეებს შეუშინდეს. მაქვს საკუთარი თავის იმედი, რომ გავართმევ თავს. ეს ყოველთვის იყო ჩემი ოცნება და კარიერის პიკი".

2020 წლის პირველ დეკემბერს, საქართველოს იუსტიციის უმაღლესი საბჭოს გადაწყვეტილებით, საქართველოს უზენაესი სასამართლოს მოსამართლის თანამდებობაზე ასარჩევ კანდიდატად დარეგისტრირდა 22 პირი:

  • აბუსერიძე გოჩა
  • ალფაიძე თამარ
  • გვრიტიშვილი დიმიტრი
  • ვაშაყმაძე თინა
  • თოდუა ილონა
  • კოკორაშვილი ლევან
  • მაკარიძე გენადი
  • მარგველაშვილი ნიკოლოზ
  • ნადარაია რევაზ
  • ოქროპირიძე თამარ
  • სანდოძე ნინო
  • სილაგაძე პაატა
  • სოფრომაძე კახაბერ
  • სტურუა ბიძინა
  • ფარქოსაძე დიანა
  • ქოჩიაშვილი ლაშა
  • ყანჩაველი ნინო
  • ჩახნაშვილი ნინო
  • ძაბუნიძე ამირან
  • ძიმისტარაშვილი თეა
  • ხარიტონაშვილი ნინო
  • ჯეირანაშვილი გოჩა