შინაგან საქმეთა სამინისტროს ცნობით, აჭარაში წარსულში ნასამართლევი ერთი პირი ყაჩაღობის ბრალდებით დააკავეს.

უწყების ინფორმაციით, მან აჭარაში, ფრიდონ ხალვაშის გამზირზე ერთ-ერთი აფთიაქიდან ფარმაცევტს დანის მუქარით გასტაცა 340 ლარი და შემთხვევის ადგილიდან ავტომობილით მიიმალა. შსს-ს განცხადებით, პოლიციამ ნივთმტკიცებად დანა და თანხა უკვე ამოიღო. რაც შეეხება ბრალდებულს, უწყების ცნობით, იგი დანაშაულს აღიარებს.

სამინისტროს ინფორმაციითვე, გამოძიება საქართველოს სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს. დანაშაული 5-დან 7 წლამდე ვადით თავისუფლების აღკვეთას ითვალისწინებს.