დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, უცხოეთში მყოფ ქართველ ექიმებთან მთავრობას კონსტრუქციული დიალოგი აქვთ და დღესდღეობით ისინი გაცილებით მეტ ინფორმაციას ფლობენ.

ბოლო რამდენიმე დღეა მთავრობის წარმომადგენლები ქართველ ექიმებს ხვდებიან და ეპიდვითარებას განიხილავენ. მათ შორის იყვნენ ისეთი ექიმებიც, ვინც კორონავირუსთან ბრძოლისას მთავრობისა და ჯანდაცვის სფეროს ნაბიჯებს აკრიტიკებდნენ. საკოორდინაციო საბჭოს სხდომის შემდეგ მინისტრს ჰკითხეს რა შეიცვალა მათთან მიმართებით.

"ალბათ, შეიცვალა პირველ რიგში ამ ადამიანების დამოკიდებულება და შეიძლება, მათთვისაც არ იყო ცნობილი, რა დონეზე იყო ჩართული მთავრობა ყველა იმ სწორი ნაბიჯის გადადგმისთვის და ეპიდემიის მართვისთვის. დღესდღეობით, მათ აქვთ გაცილებით მეტი ინფორმაცია და გვაქვს საკმაოდ კონსტრუქციული დიალოგი იმასთან დაკავშირებით როგორ ვმართოთ ეპიდემია", — განაცხადა ტიკარაძემ.

მან ასევე დაამატა, რომ ეპიდემიას მართავენ არა ექიმები, არამედ ეპიდემიოლოგები:

"ჩვენ ექიმებთან სხვა ტიპის კონსულტაციებს გავდივართ და ვეყრდნობით ეპიდემიოლოგების დასკვნას".

25 ნოემბრის მონაცემებით, საქართველოში კორონავირუსის 3 071 ახალი შემთხვევა დადასტურდა, გამოჯანმრთელდა — 3 366 ადამიანი, გარდაიცვალა — 34.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 114 889-ს. ჯამში გამოჯანმრთელებულთა რაოდენობა გაიზარდა 95 581-მდე. 2020 წლის 26 თებერვლიდან დღემდე სულ გვაქვს 1 085 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: