ექიმი ალექსანდრე გოგინავას თქმით, თენგიზ ცერცვაძეს სიმპტომური მკურნალობა უტარდება, და მისი ჯანმრთელობის მდგომარეობა სტაბილურია. ამის შესახებ იმედის კვირაში ცერცვაძის ექიმმა, ალექსანდრე გოგინავამ განაცხადა.

"აქვს ორმხრივი პნევმონია. ასევე, ფონური დაავადება, თუმცა ამ ეტაპზე მდგომარეობა რჩება სტაბილური, საჭიროებს მუდმივ მონიტორინგის გარძელებას სტაციონარში", — ალექსანდრე გოგინავა.

თენგიზ ცერცვაძეს კორონავირუსი დაუდასტურდა, 17 ნოემბერს დაუდასტურდა. პანდემიის დაწყების დღიდან, ცერცვაძე კორონავირუსის მართვის პროცესში ჩაერთო, როგორც კლინიკური ჯგუფის ხელმძღვანელი. სწორედ მისი ხელმძღვანელობით დგინდება და განისაზღვრება ვირუსის მართვისა და მკურნალობის პროტოკოლები.

დღეს საქართველოში კორონავირუსის მორიგი რეკორდული მაჩვენებელი დაფიქსირდა და ინფიცირებულთა რაოდენობამ 24 საათში 4 ათასს გადააჭარბა. ჯამში, ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 104 732-ია.