ინფექციური პათოლოგიისა და შიდსის ცენტრის ინფორმაციით, კორონავირუსით ინფიცირებული თენგიზ ცერცვაძე საავადმყოფოში გადაიყვანეს.

"მისი ჯანმრთელობის მდგომარეობა დაავადების მეექვსე დღეს გაუარესდა. აღენიშნება ტემპერატურის მატება 38.0 გრადუსამდე. გულ-მკერდის ორგანოების კომპიუტერულ-ტომოგრაფიული გამოკვლევით დაფიქსირდა ორმხრივი კოვიდ პნევმონია. იმუნური სისტემის გამოკვლევით აღენიშნება უჯრედული და ჰუმორული იმუნიტეტის მაჩვენებლების მნიშვნელოვანი გაუარესება", — აღნიშნავენ ცენტრში.

რაც შეეხება მის კოვიდინფიცირებულ ცოლს, ინფექციურის ინფორმაციით, მისი მდგომარეობა დამაკმაყოფილებელია და იგი სახლში აგრძელებს მკურნალობას.

ინფორმაცია იმის შესახებ, რომ თენგიზ ცერცვაძეს კორონავირუსი დაუდასტურდა, გუშინ, 17 ნოემბერს გავრცელდა. პანდემიის დაწყების დღიდან, ცერცვაძე კორონავირუსის მართვის პროცესში ჩაერთო, როგორც კლინიკური ჯგუფის ხელმძღვანელი. სწორედ მისი ხელმძღვანელობით დგინდება და განისაზღვრება ვირუსის მართვისა და მკურნალობის პროტოკოლები.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: