პერპეჩუალ უკე თითქმის 7 თვის ორსული იყო, როდესაც კორონავირუსით გამოწვეულ კომაში მყოფმა ტყუპები საკეისრო კვეთით გააჩინა. ის ვირუსით ჯერ კიდევ აპრილში ინფიცირდა და ვითარების დამძიმების შემდეგ, სუნთქვის აპარატზე იყო მიერთებული.

ექიმები შიშობდნენ, რომ ის შეიძლებოდა ვერ გადარჩენილიყო და ამიტომ, 26 კვირის ტყუპები საკეისრო კვეთით ამოიყვანეს დედის მუცლიდან. თუმცა, უკე გადარჩა და როდესაც კომიდან გამოვიდა, პირველი რაც იფიქრა, ის იყო რომ ორსულობა შეუწყდა.

"როცა ჩემი მუცელი ვერ დავინახე, ვიფიქრე, რომ ბავშვები ვერ გადარჩნენ, მერე კი აღმოვაჩინე, რომ ეს სასწაული მოხდა", — ამბობს უკე და დასძენს, რომ კომიდან გამოსვლას თან კოშმარები ახლდა.

ის ახლა სახლშია, ქმართან და უფროს და პატარა შვილებთან ერთად. დაბადებისას ტყუპები 765 და 850 გრამს იწონიდნენ, თუმცა სოჩიკა პალმერი და ოსინაჩი პასკალი ახლა ასე გამოიყურებიან.

ფოტო: FAMILY PHOTO

"ჩემი ქმარი და უფროსი შვილები ძალიან ნერვიულობდნენ და კომიდან გამოსვლიდან 2 კვირის შემდეგ არავის ნახვა შემეძლო".

პერპეჩუალ უკე ოჯახთან ერთად

ფოტო: FAMILY PHOTO

უკე სახლში გამოჯანმრთელებული დაბრუნდა, თუმცა ამბობს, რომ ტრავმისგან ფსიქიკურად განკურნება სწორედ ოჯახის და საყვარელი ადამიანების გარემოცვაში დაიწყო:

"ძალიან, ძალიან ბედნიერები ვართ".