მას შემდეგ, რაც რუსულმა მედიამ RT ბარაკ ობამას ბოლო პრესკონფერენციის ფეისბუკ სტრიმის გაშვებით, სავარაუდოდ, საკუთრების უფლება დაარღვია, ფეისბუკმა კრემლის დაფინანსებულ მედიას შეზღუდვები დაუწესა. ინფორმაციას ამის შესახებ TNW Gizmodo-ზე დაყრდნობით ავრცელებს.

გამოცემის ცნობით, RT-ს შეეზღუდა ფეისბუკზე ტექსტის გარდა ყველანაირი კონტენტის, ვიდეოების, ფოტოებისა და სტატიების დაპოსტვა.

"ამჟამად დაბლოკილი ვართ ახალი ამბების დაპოსტვისგან ან გაზიარებისგან ფეისბუკზე. შეზღუდვა გრძელდება მოსკოვის დროით კვირას 22:25 საათამე. ვმუშაობთ ფბ-ის გუნდთან ერთად. მანამდე შეგიძლიათ გამოგვყვეთ ტვიტერზე და არ ჩამორჩეთ დროს, რომელშიც ვცხოვრობთ."

"შეგვიძლია ტექსტის დაპოსტვა, მაგრამ არ შეგვიძლია არანაირი კონტენტის გაზიარება, როგორიცაა ლინკები/ფოტოები/ვიდეოები"

ფოტო: RT / Facebook

გამოცემის თანახმად, იქედან გამომდინარე, რომ RT დონალდ ტრამპის აქტიური მხარდამჭერი იყო, ბევრს ეჭვი უჩნდება იმასთან დაკავშირებით, რომ შეზღუდვა ტრამპის ინაუგურაციას დაემთხვა.

რუსულმა მედიამ, ასევე, განაცხადა, რომ წვდომა შეეზღუდა Dataminr-ზე, ტვიტერზე დაფუძნებულ ნიუს-ბრეიქინ სერვისზე.

RT-ის დაბლოკვა პირველი შემთხვევაა, როდესაც რუსულ მედიას ფეისბუკზე დაპოსტვა გარკვეული ფორმით შეეზღუდა. აქამდე, ფეისბუკს არც ერთი მედია არ დაუბლოკავს.

აღნიშნულ საკითხთან დაკავშირებით ფეისბუკს კომენტარი ჯერ-ჯერობით არ გაუკეთებია.