საქართველოს ცენტრალური საარჩევნო კომისიის თანამშრომლებმა 2017 წლის საახალწლო-საშობაო პრემიად, ჯამში 256 590 ლარი მიიღეს. პრემია 2017 წლის 1 იანვრიდან 10 იანვრის ჩათვლით გაიცა. ამის შესახებ წერია იმ მონაცემებში, რომელიც On.ge-მ საჯარო ინფორმაციის სახით გამოითხოვა.

პრემია აიღეს ცესკოს თავმჯდომარემ, თამარ ჟვანიამ - 5 500 ლარი, თავმჯდომარის მოადგილემ - გიორგი შარაბიძემ (4 700 ლარი) და ცესკოს მდივანმა გიორგი ჯავახიშვილმა (4 600 ლარი).

2017 წლის პირველი პრემია ცესკოს სხვა თანამშრომლებმაც მიიღეს. შტატით მომუშავე 90 თანამშრომლებისთვის ჯამში 177 200 ლარი იყო, რაც თითოზე დაახლოებით 2 ათასი ლარია. შტატგარეშე დასაქმებულ 71 პირზე 64 590 ლარი გადანაწილდა, რაც თითოზე ათას ლარზე ნაკლებია.