ნოემბრის ბოლო დღეები ყოველწლიურად მთელი მსოფლიოსათვის სულის შეკვრის მიზეზად იქცევა ხოლმე. ყველა ელოდება ყველაზე მასშტაბური საყიდლების დღეებს, რომლებიც სულ მალე დადგება. მაღაზიებში დახლები დაცარიელდება და სწორედ ამ დღეებიდანვე დაიწყება წინასაახალწლო, ყველაზე თბილი, ემოციების მომტანი სასიამოვნო სამზადისიც.

მიუხედავად იმისა, რომ სხვადასხვა ბრენდები ხშირად გვანებივრებენ ხოლმე კარგი ფასდაკლებებით წლის მანძილზე, შავი პარასკევი და კიბერ-ორშაბათი, შაბათ-კვირის ჩათვლით, სწორედ ის დღეებია, როცა სასურველ პროდუქტის იდეალურ ფასად შეძეენის შანსი გვეძლევა.

ფასდაკლებები ყველგან!

ყველამ ვიცით, რომ ფასდაკლებები წლიდან წლამდე სხვადასხვა სეზონზე აუცილებლად ცხადდება ხოლმე. თუმცა, შავი პარასკევი მსოფლიოსთვის ის დღეა, როცა პროდუქტს მინიმუმ 60-70% აკლდება. ამიტომაც, ნამდვილად ღირს 364 დღის განმავლობაში ლოდინი. ქართული ბრენდების სასახელოდ უნდა ითქვას ისიც, რომ ბოლო წლებში, ამ დღეს წარმოდგენილი ფასდაკლებები უკვე ნამდვილად შავპარასკევურია და არა ფასადური.

შავი პარასკევის მთავარი ტრენდები

რა თქმა უნდა, არ ღირს, თითოეული ნივთის გამო წლიდან წლამდე ერთი დღისთვის ლოდინი, თუმცა სხვადასხვა სახის სტატისტიკური მონაცემები გვეუბნება, რომ, როგორც წესი, ყველაზე ხშირად, ამ დღეებში ტექნიკა და სამშენებლო, ან სარემონტო მასალები იყიდება. ადამიანები ელოდებიან დიდ ფასდაკლებებს, რათა ისეთი მასშტაბური პროცესები, როგორიცაა სახლის გარემონტება და შემდეგ მისი მოწყობა, გაცილებით ბიუჯეტური გახადონ. სწორედ საოჯახო ტექნიკა, ავეჯი და სარემონტო მასალებია ის პროდუქტები, რომლების შეძენაც სჯობს რამდენიმე თვით გადავდოთ, რათა ხარისხიანი ნაწარმი გაცილებით დაბალ ფასად შევიძინოთ.

საჩუქრები

როგორც წესი, შავი პარასკევი მხოლოდ ფასდაკლებების სიმრავლით არ გამოირჩევა. 1+1 აქცია ამ დღეების განმალობაში ყველაზე დიდი პოპულარობით სარგებლობს. გარდა ამისა, მომხმარებელს შეუძლია ამა თუ იმ მაღაზიაში ვაუჩერები, დამატებითი ფასდაკლებების ბარათები, ახალი პროდუქციის ტესტერები და სხვა ტიპის საჩუქრებიც მიიღოს. შავი პარასკევიდან ახალი წლის სამზადისი ოფიციალურად იწყება, ამიტომაც, საყვარელი ადამიანებისთვის საჩუქრების შეძენაც სწორედ ამ დღეებში დაგეგმეთ.

საქართველოში, წელს, შავი პარასკევი 27 ნოემბერს დაიწყება და შაბათ-კვირასაც გაგრძელდება. რამდენიმე კომპანიამ წელს მისი განსაკუთრებულად აღნიშვნა გადაწყვიტა. მაგალითად, ტექნიკის მაღაზიათა ქსელმა გრანდ ელექტრონიქსმა 27 ნოემბრამდე მომხმარებელს 12 გრანდიოზული პარასკევი მოუწყო. ამ აქციების სერიის ფარგლებში ყოველ პარასკევს ერთი კონკრეტული ბრენდის პროდუქციას ფასები აკლდებოდა.