ევროპული საქართველოს ერთ-ერთმა ლიდერმა, გიგა ბოკერიამ განაცხადა, რომ დიპლომატიურ ენაზე აშშ-ის სახელმწიფო მდივნის, მაიკ პომპეოს გზავნილი ნათელი იყო.

"ეს გზავნილი მკაფიო იყო უკვე გუშინაც კი, როცა სახელმწიფო დეპარტამენტმა საელჩოს მეშვეობით დააფიქსირა, დაავიწროვა ის საკითხები, რაც იყო მთავარი. ეს იყო უსაფრთხოება და სუვერენიტეტის დაცვა საქართველოსი რუსული აგრესიის წინააღმდეგ, დემოკრატია და სპეციფიურად სამართლიანი არჩევნების გადამწყვეტი მნიშვნელობა ამ საქმეში. ნათელი იყო დიპლომატიურ ენაზე, რომ ეს იყო გზავნილი და არაა ეს მოულოდნელი", — განაცხადა ბოკერიამ.